Vijon moti i qëndrueshëm dhe me diell. Edhe këtë të martë (25 shkurt), sipas Meteoalb nuk priten reshje në territorin shqiptar. Sipas parashikimive, pjesa e parë e ditës paraqitet me kthjellime dhe vranësira të lehta, por duke filluar orët e pasdites kemi shtim të vranësirave në vend, ku më të theksuara vranësirat do të jenë në zonat veriore dhe veriperëndimore.
Temperaturat e ajrit do të vijojnë të rriten në mëngjes dhe në mesditë duke luhatur vlerat minimale dhe maksimale nga 2°C deri në 19°C.
Era do fryjë mesatare në tokë dhe e fortë në det me shpejtësi 55 km/h nga drejtimi jugor duke krijuar në det dallgëzim 5 ballë.
