Reali i Madridit përveç humbjes së marrë mbrëmjen e djeshme ndaj Levantes, tanimë është në ankth për gjendjen fizike të Edin Hazard.
Belgu u dëmtua në minutën e 67-të të ndeshjes, teksa u largua nga fusha e lojës duke çaluar. Pasi u zëvendësua Hazard pati një bisedë me trajnerin Zidane, duke lënë të kuptohet se situata nuk ishte në rregull.
Për të zbuluar shkallën e plotë të dëmtimit, 29-vjeçari do t’i nënshtrohet sot ekzaminimeve mjekësore, por sipas mediave spanjolle mungesa e tij ndaj Manchester City-t në Ligën e Kampioneve, pas tre ditëve është e sigurt.
