Pas vdekjes së 43 vjeçarit në burgun 313-të, ka reaguar Inspektorati i Lartë i Drejtësisë. Në deklaratën e tij kreu i ILD, Artur Metani shprehet se do të nis menjëherë verifikimet për të zbardhur ngjarjen dhe për të vërtetuar nëse ka pasur vonesa në zbatimin e ligjit procedural, apo në përcaktimin e afateve të paraburgimit. I dënuari B.H, ishte arrestuar për vjedhjen e 1200 lekëve dhe ndodhej në pritje të nisjes së gjykimit.
Deklarata
Inspektori i Lartë i Drejtësisë Artur Metani u njoh nga mediat me lajmin e vetëvarjes së 43 vjecarit B.H. në institucionin e vuajtjes së dënimit 313 në Tiranë, si dhe me pretendimin se i ndjeri po qëndronte me masë sigurie në burg, për shkak se kishte vjedhur 12 mijë lekë të vjetra.
Inspektori i Lartë i Drejtësisë po vlerëson rastin për fillimin e verifikimit nëse ka patur vonesa në veprimet procedurale hetimore apo gjyqësore, si dhe nëse ka zbatim të gabuar të ligjit material apo procedural.
