Policia financiare e qytetit të Breshës në Itali ka arrestuar dy shqiptarë në Paserano, pasi iu ka gjetur 22 kg kokainë. A.A 25 vjeç e B.F 26 vjeç janë vënë në pranga me akuzën e trafikut të drogës të tipit kokainë. Vlera momentare e kokainës shkonte në 2 milionë euro.
Gjatë arrestimit të tyre policia italiane ka sekuestruar 22 kg kokainë e pastër me një vlerë përfitimi në treg prej 2 milionë euro, si dhe rreth 60 200 euro cash e dy automjete që përdoreshin për trafikimin e drogës.
Kanë qenë banorët e qytezës Passerano që kanë informuar forcat e rendit për lëvizje të shumta e të dyshimta rreth banesë së njërit prej shqiptarëve.
Pas disa ditësh përgjimi policia italiane ka ndaluar 26 vjeçarin shqiptar e në makinë e tij tip Fiat 500 është gjetur sasia e drogës si dhe një pjesë e parave cash.
Një tjetër makinë e tipit Mereceds Benz me targa gjermane është gjetur e parkuar në garazhdin e shtëpisë dhe e modifikuar me një fund të dyfishtë që hapej në mënyrë mekanike. Sipas policisë italiane, ky automjet përdorej për trafikimin e kokainës nga Europa Veriore.
Policia italiane ka mundur të zbuloj dhe vendbanimin e 25 vjecarit shqiptar A.A në komunën Cazzago San Martino, pranë Passeranos. Në banesën e tij janë gjetur rreth 14.500 euro.
Dy shtetasit shqiptarë ishin emigrantë të rregullt Itali, ndersa B.F punonte në një sipërmarrje që tregtonte pjesë këmbimi.
