Sipas mediave italiane, Interi do të bëjë të pamundurën për të siguruar shërbimet e qendërmbrojtësit, Marash Kumbullës.
Drejtuesit zikaltër, Marotta dhe Ausilio, kanë shtuar presionin duke takuar menaxherin e futbollistit 20-vjeçar, Gianni Vitali, me rastin e huazimit të Dimarcos te Verona.
Skuadrat të cilët dëshirojnë firmën me shqiptarin janë të shumtë, teksa gjatë merkatos së janarit, Kumbulla ishte pranë kalimit te skuadra e Napolit, por ishte vetë lojtari i cili ngriu gjithçka.
Pas këtij qëndrimi të shqiptarit qëndron pikërisht Interi, që duket se është synimi i Kumbullës. Drejtuesit zikaltër e kanë takuar disa herë menaxherin e djaloshit me origjinë nga Shkodra, duke e bindur që projekti i Contes do të ishte shumë i rëndësishëm për të.
