Kreu u PD-së, Lulzim Basha vazhdon aksionin e tij #PoTëDëgjoj ku vijon takimet me njerëz të thjeshtë nga qytete të ndryshme dhe “qan” hallet me ta.
Së fundmi, kryedemokrati ka takuar disa banorë në zonën e Kukësit. Ata i përmendën Bashës se është shumë e vështirë për të jetuar në Shqipëri dhe se të gjithë djemtë e tyre i kanë dërguar jashtë.
Kreu i opozitës iu premtoi atyre se do e heqë taksën te “Rruga e Kombit”, do të bëjë gjithçka që t’ia u kthejë fëmijët dhe të punojnë me dinjitet në vendin e tyre.
Por ajo që vihet re te videoja është theksi i gjuhës së Bashës, i cili flet gegnisht duke iu përshtatur banorëve që kishte për rreth.
“Kukësi dhe familjet kuksiane po lëngojnë nga dhimbja e largimit të të rinjve me energji dhe talent, për shkak të mungesës së punësimit dhe arsimit. Sa më parë duhet të çlirohemi nga kjo braktisje, nga kjo e keqe!
Fuqizimi i ekonomisë është prioritet i programit tonë dhe zgjidhje për plagën e emigracionit. E ardhmja u takon të rinjve!” – shkruan Basha në Facebook.
