Prej disa ditësh Presidenti Ilir Meta po flet mbi një grusht shteti që sipas tij mazhoranca po tenton duke kapur institucionet e drejtësisë, veçanërisht Gjykatën Kushtetuese.
Tonet e akuzave të Presidentit në drejtim të mazhorancës së drejtuar nga Kryeministri Edi Rama janë shtuar pasi Kuvendi miratoi një ndryshim mbi procedurat e betimit të gjyqtarëve, duke i lënë vetëm 10 ditë kohë Kreut të Shtetit për organizimin e betimit.
Një ditë më parë Meta deklaroi se ka zbuluar fakte tronditëse mbi atë që e cilëson “grusht shteti”, sot depozitoi faktet e reja në kallzimin penal ndaj Ardian Dvoranit, kreut të KED-së, sikundër informoi kreun e PD-së, Lulzim Basha, mbi këto fakte.
Ndërkohë në rrjetet sociale, gazetari Dritan Kaba ka publikuar skemën mbi “grushtin e shtetit”.
“Paraqitje e grushtit të shtetit.
Kapja e institucioneve, sidomos ato të drejtësisë “së re””, shkruan Kaba, duke publikuar foton e mëposhtme.
