Kejsi dhe Stresi janë ndarë që prej verës së kaluar, por sërish historia e tyre dhe deklaratat që bëjnë, vazhdojnë të jenë në fokusin e mediave. Në ditën e Shën Valentinit, Kejsi tërhoqi vëmendjen e të gjithëve duke ripostuar një video të dy viteve më parë, nga surpriza romantike e Stresit.
Reperi nga ana tjetër postoi një foto me ish të fejuarën dhe nuk ngurroi t’i bënte një urim publik kur ajo kishte ditëlindjen ndërsa për Shën Valentin ai publikoi një foto me Keisin pa shkruar asgjë.
Kaq u desh që menjëherë në media të përflitej për një pajtim të një prej çifteve më simpatik.
Sot Keisi ka ngritur aludimet se së shpejti do të bëhet edhe dasma e cila muaj më parë u anulua. Bukuroshja ka postuar në Instastory një foto ku shfaqet duke zgjedhur fustanin e nusërisë.
“Mendoj që e gjetëm të duhurin”, shkruan Keisi krahas fotos.
