Kryetari i Partisë Demoklratike u përgjigjet pyetjeve të qytetarëve në Instagram. Një prej pyetjeve të drejtuara është ajo e ligjit për arsimin e lartë. Qytetarët e pyesin kreun e PD-së se cili është vendimi i parë që do të marrë sapo të vij në pushtet. “Anulimi i ligjit për arsimin e lartë është edhe pika e parë në programin e Partisë Demokratike”, shkruan Basha.
Basha premton se do të punojë për financimin e shkollave dhe universiteteve për të krijuar kushte më të mira për studentët, me kushte dinjitoze dhe më pas me paga më të larta në punë.
”Jam shumë i befasuar që vetëm brenda pak orësh mijëra prej jush ndjekës në instagram i jeni përgjigjur pyetjes se cili do të ishte vendimi i parë nëse do të t’ju besohej drejtimi i Ministrisë së Arsimit. Mes mijëra sugjerimeve dhe propozimeve spikat anulimi i ligjit për arsimin e lartë. është pika e parë e programit tim, programit të PD për arsimin e lartë.
Sugjerimet e tjera kanë të bëjnë me shtimin e financimeve për shkollat dhe universitetet dhe në veçanti në krijimin e kushteve më të mira në universitete, që studentët të dalin në tregun e punës me kushte dinjitoze dhe paga të larta.
Ju falenderoj nga zemra që bashkëbiseduat me mua sot në Instagram dhe shpresoj ta vijojmë këtë formë të shprehjes së problemeve që janë për ju.”- thotë Basha.
