E ardhmja e Pep Guardiolës në drejtimin e Manchester City-t është më e paqartë se kurrë.
Në Angli e bëjnë të sigurt, nëse tekniku spanjoll nuk fiton Ligën e Kampioneve në sezonin aktual, atëherë largimi i tij nga “Qytetarët” në fund të sezonit është i pashmangshëm.
Përjashtimi i Manchester City-t për dy vite nga kompeticionet e Europiane është një garanci për largimin e tij.
Sipas Calciomercato.com, tre destinacionet e mundshme të tij janë: Juventus, PSG dhe Bayern Munich, me bardhezinjtë që kryesojnë listën.
Juventusi sipas këtyre raportimeve, përpara se të nënshkruanin me Sarrin kishin kontaktuar me Guardiolën por një marrëveshje në atë kohë konsistonte në shumë pengesa por gjithçka duket më e mundshme në kushtet aktuale.
Gjithsesi për lëvizje të tilla duhet pritur deri në vendimet përfundimtare, pasi skuadra e Manchester City-t është e vendosur ta apelojë këtë vendim të UEFAS në Gjykatën e Arbitrazhit Sportiv (CAS).
