Një foshnje 8 muajsh në Itali gëlltiti hashash pasi mendoi se ishte çokollat. Menjëherë u dërgua në urgjencën e Rivolit ku prindërit e tij u munduan të fshihnin të vërtetën duke thënë se fëmija e tyre kishte ngrënë ushqimin e qenit.
Mjekët nuk u bindën me argumentin e prindërve dhe vijuan hetimet ku zbuluan se foshnja kishte gëlltitur hashash.
Pas analizave specifike në trupin e të voglit nuk ka shenja dhune, por testet toksikologjike zbuluan praninë e drogës në trup.
Ai u paraqit në spital në gjumë të thellë dhe në spital të gjithë janë habitur, pasi askush më parë në një moshë kaq të vogël nuk kishte konsumuar hashash. Nga spitali u sqarua më tej se fëmija ka qenë në tarracën e shtëpisë së tij në momentin kur nëna me babain organizonin një festë me miqtë. I vogli ka gëlltitur hashash, duke e marrë nga një kuti të përafërt me atë të çokallatës.
Sakaq spitali e ka çuar çështjen në prokurori dhe hetimet për rastin vijojnë. Nisur nga kjo që ka ndodhur, punonjësit socialë do të duhet të verifikojnë se në çfarë kushtesh jeton foshnja prej 8 mujash, nëse ka ndonjë rrezik për rritjen e tij.
