Eksperti i ekonomisë, Pano Soko, aktivist i Nismës Thurje, ka reaguar përmes një postimi në rrjet lidhur me aktin normativ të qeverisë mbi anti-KÇK.
Soko shkruan se sikur Kryeministri t’ua heqë mbrojtjen kriminelëve qoftë për një moment, ata policët aty s’kanë nevojë për asgjë, as për ligj, as për OFL, as për kompetenca, as për Akt-Normativ, e bëjnë krimin krem pa ardhur hëna re.
“Me këto ligje që kemi, pa asnjë shtesë, s’ka nevojë. Mjaft ai të hapi dritën jeshile dhe këta policët me 500 mijë lek rrogë e zbrazin Shqipërinë nga hallet për 1 muaj.
Prandaj të gjitha këto ndryshimet ligjore që i japin policisë kompetencë për përgjim pa leje prokurorie, apo që i japin policisë atributet e prokurorisë, as kanë fare lidhje me luftën kundër krimit”, shkruan Soko.
Sipas tij, ashtu si dhe aksionet anti-informalitet, apo aksionet kundër marrëzisë, që s’kishin lidhje me luftën ndaj informalitetit, por me goditje selektive, ashtu edhe leja për përgjimet, koperturën ka për luftën ndaj krimit, por në realitet do të përdoren për të përgjuar armiqtë e Partisë, si shoku Mehmet vaftit.
Postimi nga Pano Soko
Dikur një miku im më thoshte “Korrupsioni në doganë bëhet zero, veç me një sms të Kryeministrit. S’ka nevojë as për ligj, VKM, operacion, aksion e lesh. Me këto ligje që janë. Të shikosh ti, si kthehemi si vendi i parë në botë për uljen e korrupsionit”.
E të njëjtën gjë e gjen dhe tek tenderat, tek tatimet, tek AKU, tek kontrolli i naftës. Kudo. Mjaft Kryeministri të thotë stop dhe aty çdo korrupsion, çdo film, çdo aferë merr fund. S’ka nevojë as për ligje shtesë as për gjë.
E njëjta logjikë funksionon dhe për luftën ndaj krimit. Sikur Kryeministri t’ua heqë mbrojtjen kriminelëve qoftë për një moment, ata policët aty s’kanë nevojë për asgjë, as për ligj, as për OFL, as për kompetenca, as për Akt-Normativ, e bëjnë krimin krem pa ardhur hëna re.
Me këto ligje që kemi, pa asnjë shtesë, s’ka nevojë. Mjaft ai të hapi dritën jeshile dhe këta policët me 500 mijë lek rrogë e zbrazin Shqipërinë nga hallet për 1 muaj.
Prandaj të gjitha këto ndryshimet ligjore që i japin policisë kompetencë për përgjim pa leje prokurorie, apo që i japin policisë atributet e prokurorisë, as kanë fare lidhje me luftën kundër krimit.
Ashtu si dhe aksionet anti-informalitet, apo aksionet kundër marrëzisë, që s’kishin lidhje me luftën ndaj informalitetit, por me goditje selektive, ashtu edhe leja për përgjimet, koperturën ka për luftën ndaj krimit, por në realitet do të përdoren për të përgjuar armiqtë e Partisë, si shoku Mehmet vaftit.
Armiqtë jashtë…. apo brenda Partisë.
