Gjëja e fundit që te Liverpooli duan të shohin është momenti kur Jurgen Klopp të largohet nga “Anfield”. Por një gjë e tillë do të jetë e pashmangshme një ditë.
Tekniku gjerman, i cili i ka udhëhequr “Reds” në dy finale Championsi radhazi dhe po marshon drejt titullit të parë kampion pas 30 vitesh, po i rikthen lavdinë e dikurshme Liverpool-it, duke e shndërruar në një markë stilin e tyre të futbollit.
Në vitin 2019 ai firmosi kontratën e re 6-vjeçare, në të cilën “Independent” zbulon një klauzolë shumë interesante. Gjatë ditëve që ai do të bëhet gati të lërë klubin, Liverpooli do ta asistojë Kloppin me gjithçka i nevojitet për t’u rikthyer në Gjermani, që nga transporti, deri tek akomodimi dhe ndihma për të gjetur një shkollë të përshtatshme për fëmijët e tij.
Një klauzolë e tillë është diçka e pazakontë në kontratat e trajnerëve, por jo për Liverpoolin që e sheh Kloppin si një legjendë dhe kjo kontratë është si një testament i lidhjes së tij me klubin.
