Janë identifikuar autorët e djegies së makinës së ish-oficerit të policisë së Elbasanit, Edvin Gjyli dhe makinës së Krenar Kasit, Shef i Paraburgimit në Bradashesh.
Burime bëjnë me dije se bëhet fjalë për shtetasit Gerti Hysenbelli, 31 vjeç dhe Brikin Rusta, 20 vjeç, banorë të këtij qyteti. Ndaj këtyre dy personave është lëshuar urdhër ndalimi nga Prokuroria e Elbasanit.
Të dy autorët janë me precedentë të mëparshëm penalë si dhe janë të dyshuar si atuorë për disa ngjarje të tjera.
31-vjeçari ka qenë i dënuar më parë për plagosje, ndërsa i arrestuari tjetër Brikin Rusta rezulton i dënuar më parë për vjedhje.
Automjeti i Edvin Gjylit ishte i parkuar mëngjesin e 9 janarit pranë baneses se tij që ndodhet në afërsi të doganës Elbasan, dhe dëmet kanë qenë vetëm materiale.
Ndërsa makina e shefit të policisë së paraburgimit Krenar Kasi u përfshi nga flakët mesnatën e 24 dhjetorit të 2019 teksa ishte parakuar 100 metra larg drejtorisë së policisë së Elbasanit.
Kujtojme se Edvin Gjyli është një nga dy efektivët e policisë me detyrë përkatësisht inspektor i Krimeve të Rënda i pezulluar nga detyra, për shkak se nxorrën sekretin hetimor të zbulimit të arsenalit të armëve që u gjend në Papër të Elbasanit.
Grupi hetimor po vijon punën për zbardhjen e plotë të ngjarjes dhe arsyes që çuan dy personat t’i vënë zjarrin makinave të dy efektivëve.
