Bayern Munich është e interesuar për të nënshkruar me Roberto Firminho-n, gjatë merkatos së transferimeve në verë.
“The Sun” raporton se braziliani është një objektiv serioz për të përforcuar skuadrën bavareze. Gjithashtu thuhet se trajneri i Bajernit, Hans Flick, është një admirues i madh i 28-vjeçarit pas 5 sezoneve fantastikë që lojtari ka zhvilluar në “Anfield”.
Shuma e ofruar për gjigandët anglezë është rreth 90 milionë euro. Drejtuesit gjermanë shprehen optimistë se kjo është e mjaftueshme për të bindur “The Reds” në arritjen e marrëveshjes.
Ky optimizën vjen edhe duke pasur parasysh që skuadra e Liverpool, kryeson garën për të nënshkruar me sulmuesin e Leipzig, Timo Werner. 23 vjeçari ka shënuar 20 gola në 21 ndeshje këtë sezon në Bundesliga dhe do të ishte pasuesi ideal i Firminhos.
