Mjekët e Urgjenës në QSUT kundërshtojnë vendimin për zhvendosjen e dy sallave nga kati 0 ku ndodhen aktualisht në godinën e Departamentit të Kirurgjisë.
Përmes një peticioni të firmosur nga kirurgët e këtij departamenti, kërkohet që të paktën një nga sallat të mos lëvizë nga kati “0”, pasi në raste specifike koha e ndërhyrjes shpëton jetën e pacientit.
Peticioni është firmosur pothuajse nga i gjithë personeli mjekësor, ndërkohë që ish-deputeti Tritan Shehu, me profesion mjek, e cilëson të pashembullt mbylljen e dy sallave të urgjencës duke dëmtuar shërbimin.
Madje Shehu e konsideron shkatërrim gradual të asaj Urgjence Polivalente, një investim i madh e cilësor i përfunduar më 2012.
