Në “San Siro” u luajt derbi Inter-Milan, i vlefshëm për javën e 23-të të Serie A. Interi fitoi me rezultatin 4-2, duke përmbysur dizavantazhin 0-2.
Pjesa e parë u mbyll me avantazhin e dyfishtë të Milanit, me golat e shënuar nga Rebic (40’) dhe Ibrahimovic (45+1’).
Me fillimin e pjesës së dytë, në minutën e 51-të Brozovic me shkurton diferencën e golave me një gjuajtje të fortë me të majtën nga jashtë zone.
Por, zikaltrit nuk e ndalin vrullin dhe Vecino barazon, duke bërë të shpërthejnë tifozët zikaltër në “San Siro”.
Në minutën e 70-të vjen përmbysja e madhe, me De Vrij që shënon me kokë pas një krosimi nga goditja e këndit, 3-2 për Interin.
Në fund, në minutën e tretë shtesë, Lukaku me kokë shënon dhe golin e katërt për zikaltrit, duke vulosur fitoren 4-2.
Me këtë fitore skuadra e antonio Contes ngjitet në krye të renditjes, me pikë të barabarta me Juventusin, 54.
