Në një kohë që ekonomia shqiptare është në stanacion, shqiptarët po braktisin vendin për shkak të mungesave të vendeve të punës, mijëra qytetarë jetojnë në çadër, si dhe prej disa vitesh nuk ka asnjë ndryshim të pagave dhe pensioneve, qeveria shqiptare dhe kryeministri Edi Rama shpenzojnë paratë e taksapaguesve për të blerë avionë privatë, me të cilën mund të udhëtojnë vetëm anëtarët e kabinetit.
Lajmi për blerjen e një avioni personal të qeverisë shqiptare është bërë publik nga ‘Nisma Thurje’, e cila përmes një postimi në facebook ka publikuar edhe foto e këtij avioni.
Në denoncimin e saj ‘Nisma Thurje’ shkruan se ky është një abuzim i frikshëm i qeverisë shqiptare me taksat e popullit.
Ja postimi i Nismës Thurja:
Të dashur bashkë-vuajtës, po ju prezantojmë me avionin personal të Qeverisë shqiptare…
E lexuat mirë! Qeveria shqiptare ka blerë një avion për veten e vet. Është një Airbus A319, i përshtatur për avion qeveritar, me kushte ultra-luksoze që tani është i parkuar në Rinas.
Deri më sot, qeveria, për udhëtimet jashtë shtetit, përdorte avionët e linjave të zakonshme. Por, mesa duket, Kryeministri është mërzitur duke udhëtuar në një avion me popullin, prandaj porositi këtë avion personal vetëm për veten e vet.
E pra, qeveria e vendit më të varfër në Europë, ku njerëzit po largohen dita ditës, që ka mbi 10.000 familje pa një çati mbi kokë, që po lyp lek nëpër botë sepse ka një faturë 1 miliardë Euro dëme nga tërmeti, që ka pensionet më të ulta në Europë, që këtë vit as nuk i ka indeksuar pagat e mësuesve, policëve, infermierëve etj., me justifikimin që buxheti s’ka lekë, e pra kjo qeveri ka blerë një avion për qejfin e vet.. me lekët tona!
Ky është abuzim i frikshëm! Kjo e lë në bisht dhe KÇK-në. Kjo është KÇTDP (kap ça të dalë para).
I duhet dhënë fund!
#bashkohu
