Juventusi ka humbur 2 nga tre ndeshjet e fundit që kanë zhvilluar. E para ishte ajo kundër Napolit me rezultatin 2-1 ndërsa pas fitores kundër Fiorentinës humbja e dytë erdhi mbrëmjen e djeshme kundër Veronës.
Pas ndeshjes Maurizio Sarri ka deklaruar se Juventusi ka një problem që duhet ta zgjidhin sa më parë dhe ato janë gabimet amatoreske ndeshje pas ndeshje.
“Qartësisht ne kemi performanca dhe rezultate të ndryshme kur luajmë në shtëpi dhe jashtë saj. Në këtë ndeshje u mbajtëm mirë, goditëm shtyllën 2 herë, morëm avantazhin, por nuk mund të humbasim pikë me gabime foshnjarake”.
“Goli i parë i tyre ishte i pashpjegueshëm, nëse duam të fitojmë ndeshje, nuk mund të bëjmë këto gabime sipërfaqësore”.
“E patëm ndeshjen në dorë dhe e humbëm atë si amatorë kjo gjë duhet të ndryshojë”.
