Pjesëmarrja e Alketës në festivalin e madh të Sanremos nuk mund të lihej pa komentuar nga mediat italiane dhe sidomos kur shoqërohet me një incident. Pas prezantimit të këngëtares që garonte Elodie, Alketa dhe Amadeus dolën nga skena. Por ajo kishte harruar që të mbyllte mikrofonin nga ku u dëgjua të thoshte: “4 minuta? Por kishim bërë një marrëveshje.”
Prezantuesja shqiptare duket se u qortua për shkak se foli më gjatë. Pas kësaj, Alketa doli sërish në linjë por jashtë skenës këtë herë disa minuta më vonë. Por ishte më e shpejtë në kalimin e linjës.
Alketa me humor thotë: “Kam pirë një çaj kamomili, kështu që do flas më ngadalë …”
Kujtojmë që Alketa është cilësuar nga mediat italiane si një “uragan” dhe ka mahnitur një popull të tërë me aftësitë e saj në prezantim.
