Ish prokurori Gentian Trenova e quajti absurd aktin normativ dhe sipas tij e destinuar të dështojë.
“Nëse të është shuar masa e sigurimit për shkak të Kodit të Procedurës penale nuk ka mundësi të të vazhdojë masa sipas aktit normativ. Do të zbatohet ligji antimafia apo akti normative. Është propaganda dhe trysni politike dhe SPAK nuk duhet të bjerë pre e kësaj propagande. Akt normative që bie ndesh me shumicën e ligjeve.
Pse asnjë nga subjektet nuk e kanë çuar në Gjykatën Kushtetuese?
“Si rregull ky akt duhet të kalojë në parlament dhe më pas të shkojë në Gjykatën Kushtetuese. Por kjo e fundit nuk funksionon. Ky ligj mund të dështojë si proces sepse është absurd një akt i tillë. Vetëm ideja që mund të bëhet kjo gjë është një regres për shoqërinë dhe për shtetin, për funkskonimin e shtetit.
Situata nuk mund të quhet e jashtëzakonshme, sepse nuk jemi në luftë. Institucionet janë dhe kanë funksionuar. Është një absurditet.
Ideja për të bërë një reformë ideale ka dështuar. Kemi që në 2016 që po dëgjojmë këngën e reformës në drejtësi dhe ende nuk po shohim rezultatet.
Asgjë nuk është realizuar nga ato që janë premtuar me reformën në drejtësi. Edhe ndërkombëtarët duan të justifikojnë paratë e tyre dhe kanë ardhur pikërisht për të mbështetur punën e tyre.”
