Një aksident ka ndodhur në afërsi të Laprakës, në drejtim të rrethrrotullimit “Shqiponja”.
Siç mund ta shihni edhe në foto, dy makina, një “Benz” dhe një automjet taksi, janë përplasur kokë më kokë me njëra-tjetrën.
Ka qenë makina tip “Benz” që ka kapërcyer bordurën dhe për rrjedhojë është përplasur me taksinë në sensin tjetër të rrugës.
Për fat të mirë nuk ka patur asnjë të lënduar, ndërsa për disa minuta është vështirësuar qarkullimi i automjeteve.
Policia ndodhet në vendngjarje për të zbardhur rrethanat dhe dinamikën e aksidentit.
