Një punonjëse policie, bionde dhe me syze të errëta, shfaqet prej dy ditësh në media, dhe lexon deklaratat mbi operacionet e kryera nga OFL në kuadër të zbatimit të paketës anti-KÇK.
Paraqitja e saj me syye të errëta ka shkaktuar reagime të ndryshme, kjo për faktin se policia bionde, kur ndodhet në terren, pra në operacionet e OFL është fotografuar nga syzet me të cilat shfaqet në ekrane.
Deputeti socialist Alket Hyseni, i ftuar në “Repolitix”, ka shpjeguar mbrëmjen e djeshme, arsyet pse pjesëtarët e OFL shfaqen me syze për të dhënë deklaratat për shtyp.
Ai e cilësoi imazhin e ri të policisë si shpresëdhënës për goditjen e krimit, dhe shtoi ndër të tjera se mbajtja e kapeles dhe syzeve është për shkak të sigurisë së tyre, pasi çështjet me të cilat merren kanë një risk shumë të madh.
“E kam kënaqësi ta shoh imazhin e ri. Tani ky është imazhi i ri i Policisë së Shtetit, nga një polici me bark të madh që pinte birra.
Sot janë 5500 policë që kanë dalë nga Universiteti. Ka qëllim të fshehë sytë për të mos u shfaqur publikisht sepse riskojnë. Ne u përpoqëm me vështirësi të mëdha të sjellim një akt për të mirën e sigurisë publike dhe për të mirën e imazhit të këtij vendi.
Mesazhi politik që përcjellim është ky: Do ia nxijmë jetë çdo ditë e më tepër krimit. Na prini dhe na ndihmoni në këtë rrugë. Mos u bëni pengesë”, u shpreh deputeti.
