Kryeministri i Kosovës Albin Kurti, ka bërë postimin e parë në Facebook, pas marrjes së detyrës së re.
“Sot, mbajta mbledhjen e parë të kabinetit qeveritar. Pas ceremonisë zyrtare dhe pranim-dorëzimit të detyrës së Kryeministrit u takova me ministrat tanë të ri. Bashkë me ta dhe secilin person që punon në institucionet e Republikës sonë do të bëjmë më të mirën e mundshme për të arritur zhvillim e shtet-ndërtim për vendin, punë e drejtësi për qytetarët. Karriget i kemi, por jam i bindur se më shumë do të rrimë në këmbë për shkak të punëve të shumta që na presin”, shkruan Kurti.
Qeveria Kurti, e përbërë nga Lëvizja Vetëvendosje dhe Lidhja Demokratike e Kosovës, u zgjodh dje në seancën e Kuvendit pa praninë e opozitës, e cila braktisi sallën.
