Ish-bashkëshortja e Blerim Xhemaili, Erjona Sulejmani, ka dhënë një intervistë për “The Sun”, ku edhe ka deklaruar se shumë prej futbollistëve janë homoseksualë dhe se shumë prej tyre kanë frikë ta pranojnë.
“Nuk e di pse homoseksualiteti është akoma problem në ditët e sotme. Unë mendoj se kjo do të ndryshojë. Ka shumë homoseksualë në futboll. Burrin tim e njoha sapo isha shpallur Miss Albania, dhe në fillim nuk doja të isha me të. Sot jam një femër e lirë dhe e lumtur sepse të jesh gruaja e një futbollisti është tepër e vështirë. Mospërfillja është e madhe, po ashtu duhet të ndryshosh shpesh shtëpi dhe profesion,”-është shprehur modelja.
Kujtojmë që Erjona Sulejmani ka qenë e martuar me ish-mesfushorin e Napolit dhe atë të Zvicrës, Blerim Xhemailin.
Xhemaili u divorcua nga Sulejmani, në vitin 2018 pasi ajo deklaroi publikisht se bashkëshorti i saj ishte shumë i keq në shtrat dhe nuk e kënaqte aspak. Me këtë deklaratë ajo e ktheu 33-vjeçarin në një objekt talljeje për shokët e skuadrës.
