Partia Demokratike e cilëson thjeshtë propagandë dhe mashtrim deklarata e bëra nga kryeministri Edi Rama se do të luftojë ‘KÇK-në’.
Me anë të një reagimi në Facebook, PD ka publikuar një video ku dëgjohet me zë dhe figurë se si vetë kryeministri i Shqipërisë bie ndesh me deklarata e tij.
Sipas PD propaganda dhe mashtrimet publike nuk mund ta ndryshojnë të vërtetën, pasi të gjithë shqiptarët e dinë se Edi Rama mbron dhe i jep pushtet krimit të organizuar.
Ja postimi i PD:
Propaganda dhe mashtrimet publike nuk e ndryshojnë dot të vërtetën. Edi Rama është kreu i KÇK-së, bashkëqeveris me krimin e organizuar, i jep krimit pushtet politik, tendera, koncesione dhe pasuri publike.
