Redaksia e JOQ Albania ka publikuar mesazhin denoncues të një qytetari dhe disa foto, përmes të cilave pretendohet se prej disa ditësh, në zonën e Dropullit në Gjirokastër, janë parë persona të dyshimtë, të cilët vijnë rrotull me uniforma ushtarake greke.
Nga fotot duket një person, i veshur me uniformën e ushtrisë greke, që lëviz i lirë.
Sipas qytetarit, personi në fjalë është ekstremist grek, ndërsa shton se bluzën që ai mban veshur, e kishte veshur edhe Kostandinos Kaçifas, i cili u vra gjatë shkëmbimit me armë zjarri me forcat RENEA disa muaj më parë, pasi qëlloi ndaj një automjeti policie në fshatin Bularat.
Ai i ka bërë thirrje kryeministrit Rama të ndërhyjë, pasi ekstemistët grekë janë kriminelë, që po cënojnë sigurinë e shqiptarëve që jetojnë zonën e Dropullit.
Mesazhi i plotë:
Pershendetje joq! Grupe extremiste greke bejne xhiro ne dropull me uniforma ushtarake greke. I bej thirje Edi Rames qe dje theshte do i zhdukim krimeinelet po keta persona qe bejne xhiro me uniforma ushtarake greke duke rezikuar shqiperine edi rama pse i le po vetem shqiptaret jane kriminele. Kete bluze qe ka veshur ky kishte veshur edhe kacifa ne diten qe qelloi me arme. Deri tani ska pas asnje reagim nga shteti shqiptar. Para pak ditesh ne fshatin dropull keta ekstremiste erdhen edhe tokojne njerzit e kacifas duke veshur uniforma ushtarake. Flm” /JOQ/
