Kristof Piontek u largua nga Milani, teksa vendosi të vazhdojë karrierën te gjermanët e Herta Berlin.
Polaku nuk tregoi një formë shumë të mirë këtë sezon dhe për këtë arsye, drejtuesit vendosën ta largojnë, teksa në vendin e tij tashmë është Ibrahimoviç. Aventura e Piontek te Milani zgjati vetëm një vit, kur sulmuesi u transferua në janar të vitit të kaluar nga Xhenoa.
Menjëherë pas largimit nga Milani, Piontek nuk i ka kursyer thumbat në drejtim të kuqezinjve, teksa në një intervistë të dhënë për mediat gjermane u shpreh se ata e kanë zakon të ndryshojnë sulmuesit çdo vit. “Në Berlin më kanë pritur shumë mirë dhe jam i lumtur.
Tifozët më shohin në qytet dhe fillojnë të këndojnë ‘Piontek, Pum, Pum’. Pritshmëritë për mua janë shumë të larta. Unë u shita pas afrimit të Ibrës? Këto janë gjëra që ndodhin te Milani. Ndryshimi i sulmuesve çdo vit, është zakon i tyre.”, u shpreh Piontek.
