Juventusi ka arritur një fitore të pastër 3-0, kundër Fiorentinës në Allianz Stadium.
Pas humbjes kundër Napolit, bardhezinjtë janë përgjigjur menjëherë duke qetësuar situatën brenda klubit. Në këtë ndeshje Ronaldo do të shënonte dy herë nga pika e bardhë e penalltisë në minutën e 40-të të pjesës së parë dhe në të 80-ën të pjesës së dytë.
Ndërsa në fundin e kohës së rregullt, shifrat 3-0 i vendosi qendërmbrojtësi Mathijs De Ligt, i cili realizoi me kokë, pas një goditje nga këndi e ekzekutuar nga Paulo Dybala.
Me golat e sotëm Ronaldo ka arritur të shënojë në nëntë ndeshje radhazi në Serinë A, duke barazuar kështu rekordin e David Trezeguet si të vetmit që kanë bërë diçka të tillë për Juventusin.
Kjo ishte hera e tretë që portugezi shënon në nëntë ndeshje apo më shumë radhazi në kampionate, ku më parë e ka bërë diçka të tillë me Realin në nëntor të vitit 2014 dhe në Maj të 2018-s .
