Novak Djokoviç është fituesi i Australian Open për vitin 2020.
Tenisti serb mundi në një finale emocionuese Dominic Thiem, 3-2 me sete.
Djokoviç e nisi mirë, teksa ia doli të triumfonte në setin e parë 6-4, por Thiem tregoi edhe njëherë se jo më kot kishte arritur në finale. Reagimi ishte i menjëhershëm. Austriaku e përmbysi gjithçka, pasi e mposhti serbin 6-4, 6-2 dhe kaloi në epërsi me sete.
Gjithsesi Djokoviç tregoi edhe njëherë se është shumë i fortë psikologjikisht dhe nuk u dorëzua. Tenisti mblodhi dhe triumfoi në setin e katërt 6-3, ndërkohë që më pas i dha edhe goditjen e fundit Thiem. 6-4 u mbyll seti final dhe Djokoviç fitoi për të tetën herë Australian Open.