Blerja më e re e Herthës së Berlinit Krzysztof Piatek, duket se është i zhgënjyer me mënyrën se si përfundoi aventura e tij në Milano.
Sulmuesi zgjati vetëm një vit si lojtar i kuqezinjve, teksa nuk tregoi për asnjë moment formën e shkëlqyer që kishte kur luante me Genoan.
Në një intervistë për mediat italiane, ai deklaroi: “Kjo gjë ndodh shpesh te Milani. Ata i ndryshojnë qendërsulmuesit çdo vit, ndoshta është një zakon atje”.
Pas largimit të Pippo Inzaghit në vitin 2012, numri 9 te skuadra e Milanit ka qenë një “mallkim”, pasi asnjë nga sulmuesit si: Gonzalo Higuain, Andre Silva, Luis Adriano, Alessandro Matri dhe Alexandro Pato nuk kanë mundur të plotësojnë pritshmëritë.
