Autori kryesor i vendosjes së eksplozivit që shpërtheu dje tek gomat e një autobusi funerali dyshohet të jetë një 28-vjecar nga Tirana.
Policia bën të ditur se Erion Ducka, 28 vjec banues në Tiranë gjatë arrestimit ka kundërshtuar me dhunë forcat e policisë të Komisariatit të Policisë Nr.4 .
“Arrestimi i këtij shtetasi është bërë pasi rreth orës 03:40 të datës 25.08.2016 në rrugën “Gjolek Kokona”, ka kundërshtuar me dhunë punonjësit e patrullës së përgjithshme gjatë kryerjes së detyrës.
Nga veprimet hetimore të kryera ky shtetas është i dyshuar i ngjarjes së shkatërrimit të pronës me eksploziv ndodhur më datë 25.08.2016 në rrugën “Arben Minga” ku i është vendosur lëndë plasëse autobusit me targë AA940CG në pronësi të shtetasit K. R”, citon policia.
Sipas bluve, shtetasi Erion Duçka ,dyshohet se menjëhere pas kryerjes së ngjarjes është larguar me një biçikletë dhe është ndaluar nga punonjësit e patrulles të cilët i ka kundërshtuar me dhunë në tentativë për tu larguar .
Materialet do ti kalojnë Prokurorisë së Rrethit Gjyqesor Tiranë për veprat penale “Kundërshtim me dhune i punonjësve të policisë së rendit publik” dhe “shkatërrim prone me eksploziv “.
