Ish- banori i Big Brother, Ermal Merdani i dha fund beqarisë, duke u kurorëzuar nga kryebashkiaku Erion Veliaj nëpërmjet një ceremonie civile të mbajtur në tarracën e Bashkisë së Tiranës.
“Kishin menduar një ceremoni shumë intime dhe të thjeshtë, ata dhe njerëzit e tyre më të afërt”, u shpreh Ermali.
Ai u shfaq i veshur me një kostum elegant, ndërsa nusja nuk kishte zgjedhur një fustan tradicional nusërie, por një më të thjeshtë, veçse me ngjyrë të bardhë, ndërsa në kokë kishte vendosur një kurorë me lule.
Ermali dhe partnerja e tij Anxhela Agaçi, janë të lidhur prej më se dy vitesh, ndërsa një pjesë të mirë të kohës marrëdhënia ka qenë në distancë, për shkak se ajo jeton jashtë shtetit. Nuk dihet se ku do të pozicionohet çifti pas martesës, ndërsa pak kohë më parë edhe Ermali kishte deklaruar se do largohej nga Shqipëria.
