Taulant Xhaka dhe partnerja e tij, Arbnora, janë zyrtarisht burrë dhe grua. “Zoti & Zonja Xhaka,” shkroi futbollisti në Instagram, krahas fotos ku shihet ai dhe Arbnora duke firmosur kontratën martesore.
Çifti kanë zgjedhur një ceremoni intime, ndoshta edhe nga fakti që janë në pritje të fëmijës së tyre të parë.
Përpara martesës zyrtare, konkretisht në kohën kur Taulanti i propozoi për martesë Arbnorës, Ragip Xhaka, babai i Taulant dha Granit Xhakës, përmes një letre, ia ka uruar djalit të madh martesën me Arbnoren. Xhaka shprehet se është krenar me Taluantin dhe do të jetë deri në frymën e fundit.
Ndër të tjera, Ragipi e falënderon Taulantin që në fund vendosi të marrë nuse shqiptare, “jem krenarë që dite ta vlerësosh se nga i ke rrënjët”.
“Taulantit dhe Arbnores baba Ragip ju uron martesën duke ju dëshiruar jetë të gjatë dhe të lumtur, shumë fat në jetë. Taulant, unë si babë jam krenar me ty dhe do të jem deri në vdekje që asnjëherë nuk ke menduar të marrësh një grua të huaj, pos një grua shqiptare dhe do të jem krenarë që dite ta vlerësosh se nga i ke rrënjët”, shkruhet në letrën emocionuese të Ragip Xhakës.
“Po ashtu mburrem dhe do të jem krenar me Arbnoren që zgjodhe burrin shqiptar si Taulantin, ju falënderoj shumë ty Taulant dhe nusen tënde Arbnoren, ju roj fat dhe jetë të gjatë – ju dua më shumëse çdo gjë që ekziston në botë, Babai juaj”, shkruante babai i Taulantit.
