Dy adoleshentë të shpallur në kërkim nga Policia, pas zbardhjes së një seri vjedhjesh të ndodhura gjatë muajit janar 2020, janë vënë në pranga nga blutë e Lezhës.
Personat e arrestuar janë shtetasit E.U.,19 vjeç dhe E.C.,16 vjeç, të dy banues në Lezhë dhe akuzohen për veprat penale “Vjedhja” e kryer në bashkëpunim dhe “Moskallëzimi i krimit”.
Në bashkëpunim me njeri-tjetrin, këta dy shtetas janë autorë të disa vjedhjeve të ndodhura gjatë muajit janar, më konkretisht:
- Më datë 25.01.2020 kanë vjedhur në një servis, në autostradën Lezhë-Milot, disa vegla si: pistoletë e madhe ajri e gomisterisë, 3 pistoleta ajri të vogla, 2 gurë fresibël dhe 2 trapanë, me vlerë rreth 2500 euro.
- Më datë 14.01.2020 kanë vjedhur në ambientet e Kryqit të Kuq në Lezhë disa artikuj ushqimorë.
- Më datë 14.01.2020, në lagjen “Besëlidhja”, Lezhë, kanë thyer xhamin e makinës tip “Opel”, në pronësi të shtetasit Gj. F., me qëllim për të vjedhur.
- Më datë 04.01.2020 kanë vjedhur me thyerje dyqanin e firmës Brunes Sh. P. K., ku kanë marrë serverin e kamerave të vëzhgimit dhe një celular.
Materialet i kanë kaluar Prokurorisë së Rrethit Gjyqësor Lezhë, për veprat penale “Moskallëzimi i krimit” dhe ”Vjedhja”, e kryer në bashkëpunim, për të cilën parashikohet dënimi deri në 5 vite burg.
