Janë dashur disa minuta shi dhe breshër me intensitet të lartë që rrugët e Tiranës të bëhen të pakalueshme për këmbësorët dhe makinat. Sikur të mos mjaftonte, qindra familje në kryeqytet kanë mbetur pa energji elektrike.
Rruga e Kavajës, rruga “Irfan Tomini”, ish-Parku, Yzberishti dhe disa zona të tjera po vuajnë mungesën e dritave. Ende nuk ka një njoftim nga OSHEE si do të jetë situata me energjinë elektrike në vijim.
