Historia e Mozzik dhe Loredanës është një prej më të diskutuarave në media.
Loredana, në intervistën e parë pas njoftimit për ndarje, deklaroi se nuk kishte motiv për ndarjen mes tyre, një deklaratë kjo që nuk i pëlqeu aspak ishit të saj. Mozzik në një status të gjatë në instagram fajësoi Loredanën për ndarjen, ndërsa e quajti gënjeshtare që viktimizohet duke përdorur të bijën.
Pas deklaratave të forta të Mozzik, Loredana fillimisht na la të kuptonim se ishte në një lidhje me një mashkull misterioz me të cilin kishte ndërmarrë një udhëtim në Paris dhe që rezultoi të ishte producenti Maclaud.
Pavarësisht çdo gjëje, Mozzik do të takohej sërish me Loredanën këtë herë si i ftuar special në turin e saj të koncerteve në Gjermani, por që mesa duket sherri i fundit ka bërë që këngëtarja ta anulojë pjesmarrjen e tij në koncerte.
Mesa duket mosmarrëveshjet mes tyre kanë bërë që këngëtarja ta ndryshojë vendimin e saj për të patur Mozzik si të ftuar në koncertet e saj.
