Aksionet e policisë për gjetjen dhe asgjësimin e drogës në gjithë vendin vijojnë, edhe pse nuk ka të arrestuar. 17.550 bimë të dyshuara si narkotike, kanabis sativa janë asgjësuar këtë herë në Kolonjë.
Operacioni u zhvillua nga SHÇBA, Prokuroria, forca të FNSH -së dhe Drejtoria Vendore e Policisë Korçë. Në bazë të një procedimi penal nisur më parë për këtë qëllim, në rrethin e Kolonjës, u zhvillua një operacion anticannabis si rezultat i të cilit, në një masiv pyjor, rreth 2 km mbi fshatin Qinam -Radovickë, në kufi me rrethin e Përmetit, u gjetën të kultivuara dhe u asgjësuan 17.550 bimë të dyshuara si narkotike Canabis Sattiva.
Bimët narkotike u asgjësuan në vend, duke u shkulur, prerë si dhe me anë të djegies me zjarr. Vijon puna për kapjen dhe arrestimin e autorëve, thuhet në njoftimin e policisë.
