Policët janë përleshur me disa banorë të Fierit paraditen e sotme. Konflikti ka nisur pasi policët po ndërhyjnë në tokat e këtyre banorëve të cilët pretendojnë se u bëhet një padrejtësi.
Nga ana tjetër policët kanë këmbëngulur që në këtë zonë duhet të vazhdojnë punimet.
Sipas planit rregullues të Fierit, në atë zonë do të ndërtohet një park për fëmijë, gjë që ka çuar në konflikt të banorëve me policët.
Pronarët kanë penguar vijimin e punës për parkun qëndror, pasi nuk janë të kënaqur me dëmshpërblimin. Edhe pse kanë dokumente të rregullta, pronarët thonë se askush nuk i ka marrë parasysh ato. Ata janë shprehur se u kanë ofruar një çmim qesharak, ndaj e kanë refuzuar.
Mirëmëngjesi nga Fieri, shikoni ç’po bëhet midis policëve edhe disa banorëve që mesa duket pretendojnë të jenë pronarë të asaj toke. Është plani rregullues i Fierit, do bëhet park për fëmijë.
