Neni 13 për kufizimin e lirisë së medias në ligjin për Strukturën e Posaçme Anti Korrupsion do të ndryshojë.
Fakti është bërë i ditur nga burime brenda mazhorancës, ku bëjnë të ditur se ky nen nuk ka pasur për qëllim për censurimin e medias.
Për shkak të keqinterpretimeve të fundit, të njëjtat burime thonë se ky paragraf do të ndryshojë.
Bëhet fjalë për paragrafin e dytë të nenit 13 të projektligjit, që aktualisht parashikon që çdo lloj influence e papërshtatshme e ushtruar mbi punën e prokurorëve të posaçëm apo aktivitetin e tyre mbi çështje konkrete përmes autoriteteve publike, mediave apo çdo mënyre apo personi tjetër që ndikon mbi pavarësinë e prokurorëve gjatë ushtrimit të detyrave të tyre ndalohet dhe dënohet me ligj.
