Prej dy ditësh qyteti i Laçit dhe rrethinat e tij janë mbuluar nga pluhuri dhe smogu. Kjo situatë ka ardhur si pasojë e djegies së mbetjeve urbane të qytetit të Laçit të cilat grumbullohen në periferi të qytetit.
Zjarri siç thonë banoret ka filluar në mesnatë dhe është fuqizuar nga erërat e forta që frynin gjatë natës. Kjo situatë ka sjellë shqetësim të madh në mbarë qytetin pasi siç thonë ata që nuk hapin dot dritaret dhe kanë veshtiresi në frymemarrje.
Kjo situatë është përsëritur disa herë në qytetin e Laçit ku edhe pse vazhdimisht ka pasur ndërhyrje nga zjarrëfikset për të shuar flakët situata vazhdon të jetë e njëjtë.
