Katër persona janë ndaluar nga policia pasi dyshohen lidhur me atentatin ndaj shtetasit Dorian Shtjefni, mbrëmjen e djeshme në qendër të Shkodrës. Ata janë aksidentuar pasi makina të cilën ata drejtonin është përplasur me një mur.
Atentati dyshohet se ndodhi për hakmarrje ku një breshëri plumbash u drejtua në makinën tip BMW X5 e shtetasit Dorian Shtjefni, 30 vjeç i cili ngeli i plagosur në shpatull.
Ngjarja e rëndë u shënua rreth orës 22:30, në qendër të qytetit, pranë “Turizmit”. Burime nga vendngjarja bënë të ditur se dy persona që udhëtonin me makinë e kanë ndjekur Shtjefnin dhe në momentin kur ndodhej në qendër, ata i janë afruar dhe kanë qëlluar drejt makinës.
Policia pritet të dalë me një komunikim zyrtar lidhur me zhvillimet më të fundit.
