Aktori dhe këngëtari me famë botërore, Kenny Lynch ka vdekur në moshën 81-vjeçare.
Ai ishte më i njohur për rolet në ekran dhe në shfaqjet televizive përfshirë: “The Sweeney”, filma si “Carry on Loving” dhe për karrierën e tij në muzikën pop.
Lajmi për vdekjen e Lynch u njoftua nga familja e tij në Twitter, e cila shkruante se ai do të “mbahet mend nga shumë njerëz”.
Lindur në Stepney, në lindje të Londrës, në vitin 1938, nga një baba nga Barbadosi dhe një nënë me trashëgimi britanike dhe xhamajkane.
Lynch ishte një pionier për përfaqësimin e njerëzve me ngjyrë në industrinë e argëtimit në Mbretërinë e Bashkuar.
Ndërkohë si muzikant, Lynch ishte një nga yjet e parë të popit në vend, duke shkuar në turne me Beatles dhe duke shënuar dy hitet e Top 10, ndër ta “Up on the Roof” – fillimisht të regjistruara nga Drifters – i cili u publikua në vitin 1963.
Kenny po ashtu ka shkruar për muzikën e Carry on Emmanuelle të 1978, “Love Crazy”.
Karriera e tij televizive përfshinte role dhe paraqitje në programe të tilla si Z-Cars, Celebrities Squares dhe Bullseye.
