U luajtën mbrëmjen e djeshme ndeshjet e radhës të EFL Cup, ku skuadrat e mëdha, Manchester United, Manchester City dhe Leicester u kualifikuan në gjysmëfinalen e kësaj kupe.
Manchester United arriti të fitojë 3-0 ndaj modestëve të Colchester. Pjesa e parë u mbyll me rezultatin 0-0. Ndërsa me fillimin e të dytës Rashford shëni golin e avantazhit në minutën e 51-të, nërsa pesë minuta më vonë rezultatin u dyfishua me anë të një autogoli të Ryan Jackson. Rezultatin përfundimtar 3-0 e vendosi Anthony Martial në të 61-ën.
Manchester City fitoi me rezultatin 1-3 në fushën e Oxford. Joao Cancelo shënoi golin e parë për “Qytetarët”, ndërsa vendasit barazuan me Taylor. Një dopietë e Raheem Sterling në pjesën e dytë i dha fitoren Manchester Cityt, që kalon në gjysmëfinalen e kësaj kupe.
Ndërsa ndeshja më e luftuar ishte ajo mes Everton dhe Leicester. “Dhelprat” e Brandon Rodgers shënuan dy gola të shpejtë me anë të Maddison dhe Evans, por Everton barazoi në pjesën e dytë. Davies dhe veterani Baines në sekondat e fundit, çuan ndeshjen te pika e bardhë e penalltive. Në fund, ishte ekipi i Leicester që u tregua më e saktë, duke shënuar katër penallti, ndërsa Everton shënoi vetëm dy.
