‘Ditë e zezë për lirinë e medias në Shqipëri’, kështu e cilëson ish-deputetja e PD, Albana Vokshi, miratimin e ligjit antishpifje sot në Kuvend.
Me anë të një statusi në Facebook, Vokshi thekson se kryeministri Edi Rama zgjodhi t’i shkojë deri në fund marrëzisë së tij, duke censuruar lirinë e fjalës me ligj.
Sipas saj miratimi i ligjit antishpifje dhe dënimi i gazetarit Jetmir Olldashi, vulosën zyrtarisht diktaturën në Shqipëri.
Ja postimi i Vokshit:
18 dhjetor 2019 – Ditë e zezë për lirinë e medias në Shqipëri.
Pas censurës edhe burgu…
- Rama vendosi t’i shkonte deri në fund marrëzisë. Ligjet e censurës u miratuan me 80 vota nga parlamenti ilegjitim, që sanksionojnë ndëshkimin dhe dënimin e cdo medie apo gazetari që do të guxojë të kritikojë apo denoncojë liderin suprem. Rama sot riktheu zyrtarisht famëkeqin nen 55 të dënimeve për agjitacion e propagandë.
- Ashtu sic premtoi, ligjet i miratoi vërtetë paketë, bashkë me ekzekutorin e tyre, kreun e ri te AKEP, besnikun e Liderit, Tomi Frashërin deri dje njeriu që i mbante protokollin.
- Po sot, dënohet me burg gazetari Jetmir Olldashi vetëm pse denoncoi vëllain e ish ministrit të brendshëm të Ramës.
#ShqipëriaZyrtarishtNëDiktaturë
