Koloreto Cukali, Drejtor Ekzekutiv i Këshillit Kombëtar, duke folur për ligjin Antishpifje të prodhuar nga Edi Rama, tha se ajo që grupet e interesit po kërkojnë është ndër të tjera që të mos jetë AMA ajo që të bëjë gjykatësin, por të jetë Gjykata nëse ka shpifje apo jo kundër një personi që pretendon një gjë të tillë.
“Ato gënjeshtra në Parlament nuk janë për mua dhe ty, neve nuk kanë çfarë të na gënjejnë, por janë për një masë të madhe njerëzish që ushqehen nga një makineri propagande shtetërore, nga një kanal i vetëm që më pas shpërndan gënjeshtrat e veta në kanalet e tjera televizive.
Nuk është e drejtë për ne që gjithë kohës që të përpiqemi që të gjejmë çfarë ndodh në trurin e një njeriu të vetëm.
Në Shqipëri duhet të funsksionojnë institucionet jo të merremi me trurin e një dhome të errët të këtij njeriu.
Për fat të keq nëse miratohet edhe ky ligj ne do zhytemi në pozita të ngjashme”, tha Cukali në Syri.net.
Sipas tij, dhuna me të cilën është goditur publiku me këtë ligj, proceduara jo normale dhe jo legjitime, mjafton të kujtoj këtu që amendamentet kanë dalë mbrëmjen e djeshme.
“Ato njerëzit aty në parlament nuk besoj se janë aq të kultivuar sa ta lexojnë për pak orë se çfarë është ai ligj.
Kjo procedurë në çdo lloj standardi europian nuk është normal.
Ligji, unë mund tju them me vërtetësi të plotë, është mbajtur në mënyrë diskrete dhe ne kemi mundur ta marrin në dorë në momentin e fundit, dy ditë para se të dalë në komision. Kjo është shumë e dyshimtë, pa folur për përmbajtjen e këtij ligji.
Gjëja që po ndodh është një deformim i së vërtetës.
Ne kemi një ligj të shpifjes. Edhe Franca mund ta ketë. Po një ligj ku AMA të jetë zbatues i këtij ligji nuk ka asnjë vend të botës.
Ne po kërkojmë që Gjykata ti lihet tagri për të gjykuar. Por jo të ngreje një institucion paralel për të gjetur të vërtetën dhe për të ndarë çështje gjyqësore mbi shpifjen”, tha Cukali.
