Mbyllet ditën e sotme java e 16-të e Bundesligës gjermane.
Në fushë zbret Bayerni i Munihut të cilët pas fitores 6-1 ndaj Werder Bremen do të kërkojnë fitoren e radhës në transfertë ndaj Freiburg-ut.
Një ndeshje e vështirë për bavarezët, pasi kundërshtarët po bëjnë mirë këtë sezon, madje janë vetëm 2 pikë pas kampionëve të Gjermanisë. Bayern renditet për momentin në vendin e pestë me 27 pikë, shtatë pikë më pak se kryesuesit të Leipzig por kanë mundësinë ta shkurtojnë këtë diferencë me ndeshjen e sotme.
Luan edhe Borussia Munchegladbach, e cila renditet e dyta me 31 pikë. Skuadra vjen pas humbjes në trasnfertë ndaj Wolfsburg, 2-1. Megjithatë sot ka mundësinë të rikthehet te fitorja pasi luajnë ndaj vendit të fundit që mbahet nga Paderborn.
Ndeshje tjetër e fortë është ajo mes Wolfsburg dhe Schalke 04.
