Kandidati republikan për zgjedhjet presidenciale të nëntorit, Donald Trump ka thënë se deklarata që e ka bërë duke thënë se presidenti aktual amerikan, Barack Obama është themelues i grupit militant, Shteti Islamik ka qenë “sarkazëm”.
Përmes një postimi në rrjetin social, “Tëitter”, Trump e ka kritikuar rrjetin televiziv amerikan, CNN duke thënë se ata u morën tepër seriozisht me deklaratën e tij për Obamën. “Ata nuk e kuptojnë sarkazmën”, ka shkruar Trump.
Ndërkohë fushata e Hillary Clinton ka thënë mbrëmë se Trump po flet gjera të pista për Shtetet e Bashkuara të Amerikës, dhe se ai me këto deklarime po i jep zë temave të përmendura nga presidenti rus, Vladimir Putin.
