Sot, pritet të jepet masa e sigurisë për personat e arrestuar në Durrës, dhe që janë nën hetim për pasojat e tërmetit tragjik të 26 nëntorit.
Mbi ta rëndojnë akuzat: “Shpërdorimi i detyrës”, “Falsifikimi i dokumenteve”, “Vrasja me dashje” e kryer në mënyrë indirekte dhe “Vrasja në rrethana cilësuese” të një ose me shumë personave të kryer në mënyrë indirekte.
Prokurorët e çështjes kanë dalë në konkluzionin se me anë të falsifikimit të dokumenteve, ka sjellë për pasojë vdekjen e 23 personave në Durrës.
Konkretisht pallati 6 katësh, ku humbën jetën katër anëtarë të familjes Reci, dhe tre të familjes Meçja është ndërtuar rreth viteve ‘90 dhe nuk mund të ngrejë një akuzë për pronarin por ka dyshimet të forta se pallati ka pasur dëmtime në tërmetin e 21 shtatorit dhe nuk janë marra masa.
Sa i përket pallatit tjetër 6 katësh në Durrës, ku humbën jetën dy gra prokuroria ka dalë në konkluzionin se pallati është shembur si pasojë e ndërhyrjes në katin e parë të objektit. Shtetasit, Artur dhe Anisa Terziu kishin hapur bar Barons, në katin e parë, duke dëmtuar kolonat dhe muret e pallatit. Në dosjen e prokurorisë që abcneës.al e ka siguruar të plotë, fajtorë dalin edhe zyrtarë ALUIZNI-t që legalizuan lokalin dhe të INUV.
Më herët është raportuar se prokuroria do të kërkojë arrest me burg në gjykatë për personat përgjegjës,konkretisht Klajdi Lame, në cilësinë e Inspektorit të Inspektoratit Ndërtimor Urbanistik Durrës, Albrend Qetka, në cilësinë e specialistit të verifikimit në terren pranë ALUIZNI-it, Durrës dhe Defrim Celami, në cilësinë e specialistit që ka kryer aktin e ekspertimit teknik.
Ndërkaq, e njëjta situatë është edhe për hotel “Mira Mare”. Ndërtimi i ndërtesës ka filluar në vitin 2005, ndërsa legalizimi është bërë në vitin 2018.
Po ashtu sa i takon objekteve të dëmtuara, prokurorët i kanë marë të gjitha masat dhe do të bëjnë edhe penalizimin e tyre, disa prej tyre janë të pabanueshëm.
Të arrestuarit:
Arben Isaku, ish-drejtor i ALUIZNI-it Durrës, i dyshuar si autor i veprës penale “Shpërdorimi i detyrës”.
Klajdi Lame, inspektor i INUV në Durrës, në pallatin 6-katësh ku vdiqën dy vetë, i dyshuar si autor i veprës penale “Shpërdorimi i detyrës”.
Albrend Qetka,specialisti i ALUIZNI-t që verifikoi pallatin 6 katësh në Durrës, i akuzuar për shpërdorim detyre
Kujtim Hasa, shefi i shërbimeve të Kavalishencës, i akuzuar për “vrasje me dashje”.
Kujtim Hasa, drejtor i Kavalishencës, i akuzuar për shpërdorim detyre
Rruzhdi Xheka, ndërtues informal i ‘Hotel Mira-Mare’, ku vdiqën 2 vetë, i akuzuar për vrasje në rrethana të tjera cilësuese”.
Në kërkim
Arben Qato, pronar i Vila Palma
Dëshira Qato, shefe e urbanistikës në Kavajë (Gruaja e Arben Qatos)
Aldo Dakovelli, shef sektori në Kadastrën e Durrësit
Artemis Malko, punonjës terreni në Kadastrën e Durrësit
Artur Cela, ish-drejtori i INUV
Flamur Gjuzi, ish-drejtori i ALUIZNIT Durrës
Ndërtuesi i banesës së familjes Lala në Kënetë
