Qendra e Lëvizjes vetëvendosja në Shqipëri, do të mbështesë protestën e gazetarëve she shoqërisë civile, kundër ligjit për lirinë e shprehjes.
Me anë të një postimi në rrjetet sociale VV në Shqipëri, deklaron se do të jetë në krah të gazetarëve dhe shoqërisë civile, për të ndalur këtë ligj me të cilin qeveria kërkon të ndalojë fjalën e lirë në vend.
Ndërkohë VV ju bën apel gjithë shqiptarëve që të dalin në protestë për të ndalur qeverinë dhe të mos lejojnë vendosjen e autoritarizmit.
Ja postimi i VV në Shqipëri:
Në mbështetje të protestës së gazetarëve për lirinë e shprehjes
Në vijim te deklaratës së djeshme të Qendrës së Lëvizjes VETËVENDOSJE! në Shqipëri, shprehim mbështetjen për nismën e gazetarëve dhe aktivistëve të shoqërisë civile për të protestuar ditën e mërkurë në orën 9:30, në Tiranë, pranë Kuvendit, kundër projektligjit që synon të vendos nën kontrollin e qeverisë fjalën e lirë. I bëjmë thirrje qytetarëve të marrin pjesë në këtë protestë kundër tentativës së Qeverisë për konsolidimin e autoritarizmit në Shqipëri.
Tiranë, 16 dhjetor 2019
Lëvizja VETËVENDOSJE!
Qendra në Shqipëri
